小港国中.doc

國中閩南語組第一名五日節 小港國中沈嫈勔老師 踏話頭自古以來咱台灣是以「農」為主,古早人慣習用「農曆」來做為春夏秋冬、寒熱的憑據,其中的三大節日是「五日節」、「中秋節」、「過年」,尤其是今年的「中秋」節政府特別共假期做伸縮性的處理,中秋拄好是禮拜五,閣過去的拜二是雙十節,所以拜一順紲歇睏,佇仝一個禮拜六補假上班,予民眾有一個連紲的假期,會當陪厝內的人過節。tsit碼的少年家受著西洋風氣的影響,干礁知影過「情人節」、「聖誕節」食大頓以及化妝舞會,逐工逐電影名星,佇幾落工前著排隊買紀念的衫褲,參加伊的發表會,一點仔攏袂感到辛苦,顛倒袂記著家己序大人的生日,是m̄是教育的失敗,值得家長佮老師認真思考的問題。阮是一個國中的國文老師,看著tsit種情形感到心痛,有tsit個責任呼籲逐家重視咱的文化,所以特別針對tsit三個節日以及「母親節」來創作,蒐集相關的諺語、臆謎猜、激骨仔話、唸謠、歌謠來探討,盡我淡薄仔力量,向望會當佮愛閩南語的友志,共同為咱台灣tsit塊土地,推搡母語tī咱的生活當中,予咱的囡仔會當了解伊的媠,共母語的種子掖落去,親目珠看伊開花結果。一、教學構思「五日節」是佇每冬農曆五月初五,正是熱天,蠓仔、胡蠅、蟲仔卡濟,比較卡容易破病,閣加上愛國詩人屈原投汨羅江自***,世人m̄甘伊的身軀予魚食,所以縛肉粽來飼水中的魚,另外一方面是來紀念伊。佇tsit工除了食肉粽以外,閣有啉「雄黃酒」、插榕仔、hiānn(艾草)、菖蒲、芙蓉、雞冠花來避邪,中晝十二點會當共雞卵徛起來,個時陣舀的井水是叫「午時水」,聽講會當治病,其實有病嘛是愛揣醫生看,千萬m̄通過度迷信才好。佇tsit個單元是欲予學生了解「五日節」的風俗、諺語,以及安怎縛肉粽,雖然平常時攏買會著「肉粽」,並無啥麼稀罕,但是tsit種的文化嘛愛傳落去,予後代的囝孫會曉tsit種的手藝。二、教學目標1、會當正確發音唸出課文。2、會當了解課文內容的意思,而且通順表達。3、會當了解單元內底「俗語」的意思,揣出佮「華語」仝款的詞句。培養對「閩南語」的喜愛,增加聽、講的能力。4、會當對「臆謎猜」內底,引起學習「閩南語」的興趣,佇日常生活中運用。5、佇「阿媽佮孫仔」對話當中,了解阿媽疼孫的心意,教示後代「環保」正確觀念。6、透過「答嘴鼓」的表演,提高學生學習的興趣。7、會當了解「閩南語」的嫷,敢開喙佮別人相借問、溝通,主動關懷別人。8、培養對各種族群的關懷,除了「閩南語」以外,「客家語」、「原住民語」、「華語」..等等,會當互相包容,予社會更加和諧進步。9、透過本校所編的鄉土語言「閩南語自編教材」,予學生了解母語的媠。10、對「五日節」節日的由來,以及對所生活的高雄的認同,佇即工有「扒龍船」活動,共咱的故鄉高雄市的特色,紹介予外縣市的親情、朋友了解。11、探討各種職業,予學生了解各行各業的辛苦,感謝每一***,珍惜tsit-má的生活。12、對古早農具的紹介,知影作穡人的艱苦。三、能力指標能力類別分段能力指標聆聽能力2-3-3加強聽「閩南語」的音節、緊慢、抑揚頓挫、峘下、言語的能力。2-3-5加強佇「閩南語」內底,聽家己言語的能力。講話能力3-3-1會當養成運用「閩南語」文學特性,用嘴口話描寫人、照顧別人的習慣。3-3-10會當有「閩南語」發音正確,講話的流利的能力。3-3-25建立運用「閩南語」尊重別人,包容無仝的聲音。閱讀能力4-3-14會當謮無仝族群的文學作品,而且養成對無仝族群的尊重佮關懷。寫作能力5-3-11會當用尊重的態度,用「閩南語」親近人、師長,抑者是同學的特殊所在。四、適用年級:國中學生一年級五、教學時間:五節(一節45分,攏總225分鐘)六、時間分配:節次教學重點時間一(一)引起動機:老師佇今年歇熱訓練學生參加高雄市所舉辦的「鄉土語言」成果發表會──「港都好佚陶」答嘴鼓比賽的經驗,引起學生學習的動機。(二)放光牒--文化中心演出的「港都好佚陶」比賽的VCD。(三)講解「五日節」的由來。(四)講解「五日節」的用品以及相關的食物。(五)分「農具」、「俗諺」二份的學習單。(六)全班分做六組,各組負責收集有關「五日節」的相關資料。由「組長」佇最後一節做報告。二(一)發「羅馬拼音」佮「華語」音標的對照單,帶學生唸幾遍。(二)紹介有關的冊,而且講出每本冊的內容,紲落來共有關的冊提予學生,輪流予每一排、每一***攏看著內容。(三)講解課文。分三(一)綜合練習(煮食的方法、疊字詞、反義詞)(二)俗語、激骨仔話、臆謎猜的唸法佮意思。四(一)收「農具」、「俗諺」二份的學習單。(二)縛肉粽(紹介材料、練習)配五(一)各組的「組長」上台報告所收集的資料,予其他的學生對「五日節」有基本上的認識。(二)學生自願發表***的感想。(三)對「五日節」的學習單,寫作認真的人當面鼓勵。七、主題名稱:五日節八、